“Travellers Archive” jurnalı: Azərbaycan hər addımda heyrətləndirir

Heydər Əliyev Fondunun təşkilatçılığı ilə Londonda Azərbaycan Xalq Cümhuriyyətinin 100 illiyinə həsr olunan tədbir keçirilib
ABŞ-ın “The Daily Caller” qəzetində Ermənistanın işğalçılıq siyasətinə dair məqalə dərc olunub
Amerikalı səyyahlar üçün Azərbaycanın mədəniyyət və kulinariya aləminə ilk ekskursiya təşkil ediləcək

Azərbaycan müəyyən mənada qeyri-adi turizm marşrutudur: bu ölkə hər addımda heyrətləndirməyi bacarır – həm insani nöqteyi-nəzərdən, həm də mədəni və coğrafi baxımdan.

AZƏRTAC xəbər verir ki, bu barədə Almaniyanın “Travellers Archive” turizm internet jurnalı yazır.

“Travellers Archive” nəşrində Azərbaycana dair “bələdçi” tipli geniş məqalə dərc edilib. Məqalədə, əsasən, Azərbaycanın dilindən, adət-ənənələrindən, yerli iqlimindən və milli mətbəxindən danışılır.

Nəşr qeyd edir ki, Azərbaycan cinayətkarlığın aşağı səviyyədə olduğu bir ölkədir, respublikada tolerantlıq, dini dözümlülük hökm sürür. Məqalədə multikulturalizmə və dini dözümlülüyə xüsusi diqqət ayrılır. Belə ki, Azərbaycanda müsəlmanların xristian və yəhudilərlə birgə dinc yanaşı yaşamaları qeyd edilir.