BMT-nin Baş katibi İranın İsrailə hücumunu pisləyib

Fuad Axundov: QHT-lərə Dövlət Dəstəyi Agentliyinin xətti ilə 400-dən çox layihə maliyyələşdirilir
Qubadlıda televiziya və radio yayımı bərpa edilib
Azad olunmuş ərazilərdəki abidələrlə bağlı “Yol Xəritəsi” hazırlanıb

BMT-nin Baş katibi Antonio Quterreş İranın İsrailə hücumunu pisləyir, hərbi əməliyyatları dərhal dayandırmağa çağırır.

AZƏRTAC TASS-a istinadla xəbər verir ki, bu barədə BMT-nin Baş katibi ofisi tərəfindən bəyanat yayılıb.

“Mən İsrailin İran İslam Respublikası tərəfindən məruz qaldığı genişmiqyaslı hücum şəklində ciddi eskalasiyanı qətiyyətlə pisləyirəm. Bu hərbi əməliyyatları dərhal dayandırmağa çağırıram.

Regionda dağıdıcı eskalasiyanın real təhlükəsindən dərin narahatam. Mən bütün tərəfləri Yaxın Şərqdə müxtəlif cəbhələrdə böyük hərbi qarşıdurmalara səbəb ola biləcək hər hansı hərəkətdən qaçmaq üçün maksimum təmkinli olmağa çağırıram.

Mən dəfələrlə vurğulamışam ki, nə region, nə də dünya başqa bir müharibəyə tab gətirə bilməz”, – bəyanatda deyilir.