AVCİYA regionlarda tədbirləri davam etdirir

Türkiyə Prezidenti: Azərbaycan 44 günlük müharibədə BMT Təhlükəsizlik Şurasının (TŞ) qətnamələrini özü icra edib
Azərbaycan XİN-in Mətbuat xidməti idarəsi Ermənistan XİN-in Şuşa Bəyannaməsi ilə bağlı açıqlamasını şərh edib
Prezident İlham Əliyev Avropa İttifaqının xüsusi elçisinin başçılıq etdiyi nümayəndə heyətini qəbul edib

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahı 11 aprel 2018-ci il tarixdə keçiriləcək  Prezident seçkiləri ilə əlaqədar regionlarda tədbirləri davam etdirir. AVCİYA Seçki Qərargahı Sabirabad, Şirvan, Salyan və Hacıqabul rayonlarından sonra Mingəçevir, Yevlax, Naftalan və Ağdaş rayonlarında seminarlar keçirib.

Tədbirlərdə AVCİYA Seçki Qərargahının rəhbəri, t.ü.f.d., dosent Məhərrəm Zülfüqarlı məruzə ilə çıxış edib. Seçki Qərargahının rəhbəri tədbir iştirakçılarını AVCİYA Seçki Qərargahının Fəaliyyət Proqramı ilə tanış etdikdən sonra müşahidəçilərə təlimlər keçib.

Tədbirlərdə həmçinin, AVCİYA Seçki Qərargahının üzvləri, AVCİYA Mingəçevir Regional ofisinin rəhbərliyi və rayon koordinatorları iştirak ediblər.

AVCİYA Seçki Qərargahı növbəti tədbirləri Bərdə, Ağdam, Tərtər və Goranboy rayonlarından olan müşahidəçilər və seçki fəalları üçün keçirəcək.

AVCİYA Seçki Qərargahı  Mətbuat Xidməti