Azərbaycan yolları keyfiyyətinə görə dünyada 36-cı oldu

Koronavirus pandemiyası ilə mübarizənin gücləndirilməsi sahəsində əlavə tədbirlər haqqında Azərbaycan Respublikası Prezidentinin Sərəncamı
Mərkəzi Seçki Komissiyası seçkilərlə bağlı müraciətlərin araşdırılmasına həsr olunmuş seminarlara başlayıb
Azərbaycan Prezidenti: BMT TŞ qətnamələrinin bəzi hallarda 20 ildən çox müddətdə kağız üzərində qalması dünya nizamının pozulmasına gətirib çıxarır

Azərbaycan avtomobil yollarının reytinqində 4,8 bal toplayaraq 36-cı yeri tutub.

Trend-in məlumatına görə, bu, 2017-2018-ci illər Qlobal rəqabət qabiliyyətlilik indeksi versiyası üzrə ən yaxşı və pis yol infransturkuruna malik ölkələrin siyahısında əksini tapıb.

Reytinqdə 137 ölkə var. Yolların keyfiyyəti 7 ballıq şkala üzrə qiymətləndirilib.

Yol infrastrukturunun keyfiyyətinə görə Azərbaycan bir çox qonşu dövlətləri geridə qoyub: Ermənistan (85-ci yer – 3,7 bal), Gürcüstan (82-ci yer – 3,8 bal), Rusiya (114-cü yer – 2,9 bal), Qazaxıstan (115-ci yer – 2,9 bal), Ukrayna (130-cu yer – 2,4 bal). Türkiyə isə 5 balla 30-cu pillədə qərarlaşıb.

Dünyanın ən pis yolları Mavritaniya (2 bal), Konqo Demokratik Respublikası və Haitidədir (hər ikisi 2,1 bal).

Reytinqdə Biləşmiş Ərəb Əmirlikləri (6,4 bal), Sinqapur (6,3 bal) və İsveçrə (6,3 bal) liderlik edirlər. İlk onluğa, həmçinin Honq Konq (6,2 bal), Niderland (6,1 bal), Yaponiya (6,1 bal), Fransa (6 bal), Portuqaliya (6 bal), Avstriya (6 bal) və ABŞ (5,7 bal) daxildir.

Bakı. Trend: