Bərdə rayonunun raket atəşə tutulması nəticəsində biri azyaşlı olmaqla 4 nəfər həlak olub

Dini konfessiya rəhbərləri 20 Yanvar faciəsi ilə bağlı bəyanat yayıblar
Paşinyan son sözləri ilə göstərdi ki, münaqişə ilə bağlı Mətyu Brayzənin deyil, məhz özünün məlumatı yoxdur
Prezident İlham Əliyev və birinci xanım Mehriban Əliyeva İçərişəhərin bir hissəsində aparılan bərpa-konservasiya işləri ilə tanış olublar

Ermənistan silahlı qüvvələri tərəfindən Bərdə rayonunun kasetli raketlərlə atəşə tutulması nəticəsində Qarayusifli kəndinin sakinlərindən biri azyaşlı olmaqla 4 nəfər həlak olub, 12 nəfər yaralanıb.

Bərdə rayon Mərkəzi Xəstəxanasının həkimi Zaur Əliyev AZƏRTAC-ın bölgə müxbirinə bildirib ki, xəstəxanaya gətirilən 12 yaralıdan dördü azyaşlıdır: “Yaralılardan biri kəllə-beyin travması ilə neyrocərrahiyyə şöbəsinə göndərilib. Digər xəstələr əməliyyat edilib. Hazırda vəziyyətləri orta ağırdır”.

Raketin partlaması nəticəsində qəlpə yarası alan Zərqələm Alıyeva deyib: “Həyətdə idik. Qəfildən partlayış səsi eşitdik. Sanki hər tərəf partlayırdı. Yerə uzandıq. Qalxanda gördüm sol budumdan yaralanmışam. Xəstəxanaya gətirildim. Əməliyyatla qəlpəni çıxardılar”.

Qarayusifli kəndinə raket atılması nəticəsində həlak olan 7 yaşlı Aysu İsgəndərovanın 3 yaşlı bacısı Tahirə İsgəndərova da yaralanıb. Balaca Tahirə əməliyyat olunub, baldırındakı qəlpə çıxarılıb.

AZƏRTAC