Bakıda itkin düşmüş şəxslərin anım mərasimi keçirilib

Bəyanat: Dağlıq Qarabağla bağlı sülhə nail olmaq üçün işi davam etdirmək barədə razılıq əldə edilib
Azərbaycan dünya ictimaiyyətini Dağlıq Qarabağ münaqişəsinin həlli üçün Ermənistana təzyiq göstərməyə çağırır
Azərbaycan XİN Laçının işğalının 26-cı ildönümü ilə əlaqədar açıqlama yayıb

Bu gün Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA), “İnsan Hüquqları XXI-əsr Azərbaycan Fondu” və İnsan Hüquqlarına dair Beynəlxalq Standartların Təsbiti üzrə Birgə İşçi Qrupunun təşkilatçılığı ilə  “Bayraq Günü” ilə əlaqədar Sabunçu rayonunda yerləşən Şəhidlər Xiyabanı adlanan ərazidə itkin düşmüş şəxslərin xatirəsinin əbədiləşdirilməsi məqsədilə ucaldılmış abidə önündə anım mərasimi keçirilib.

AVCİYA-dan APAya verilən məlumata görə, tədbirdə Sabunçu Rayon İcra Hakimiyyətinin rəsmiləri, Beynəlxalq Qızıl Xaç Komitəsinin əməkdaşları, Azərbaycan Qızıl Aypara Cəmiyyətinin nümayəndələri, itkin düşmüş şəxslərin ailə üzvləri, QHT və KİV nümayəndələri iştirak edib.

Mərasimdə əvvəlcə AVCİYA-nın vitse-prezidenti Vəli Əlibəyov danışıb. O “Bayraq Günü”nün əhəmiyyətindən bəhs edib.

“İnsan Hüquqları XXI-əsr Azərbaycan Fondu” sədri Şahin Camalov “Bayraq Günü”nün Azərbaycan üçün daşıdığı önəmdən bəhs edərək dövlətimizin vətənin suverenliyinin və ərazi bütövlüyünün qorunması uğrunda canlarından keçən, şəhid olan, əsir və itkin düşən şəxslərin xatirəsini daima əziz tutduğunu və onların ailələrini daima diqqətdə saxladığını vurğulayıb.

Daha sonra  digər qonaqlar çıxış edib.  Tədbirin sonunda itkin düşmüş şəxslərin ailə üzvlərinə  təşkilatçılar tərəfindən ərzaq və  meyvə şirələrindən ibarət  sovqat paylanılıb.

Qeyd edək ki, sözügedən abidənin ucaldılması “İnsan Hüquqları XXI-əsr Azərbaycan Fondu” və  AVCİYA-nın prezidenti, millət vəkili cənab Elxan Süleymanovun birgə fəaliyyəti nəticəsində bu il yanvarın 24-də  itkin düşmüş şəxslərin xatirəsinin əbədiləşdirilməsi məqsədilə həyata keçirilib.