Bakıda “Kibertəhlükəsizlik həftəsi” işə başlayıb

Bakıda maliyyə cinayətləri ilə mübarizəyə həsr olunmuş seminar keçirilib
Prezident İlham Əliyev yerli və xarici media nümayəndələri üçün mətbuat konfransı keçirib
Azərbaycan Milli İncəsənət Muzeyinin üçüncü korpusu əsaslı bərpa və yenidənqurmadan sonra açılıb

“Kibertəhlükəsizlik Azərbaycan üçün əhəmiyyətli məsələdir”.

“Report” xəbər verir ki, bunu Bakıda işə başlayan “Kibertəhlükəsizlik həftəsi “nin açılışında nəqliyyat, rabitə və yüksək texnologiyalar nazirinin müavini Elmir Vəlizadə deyib.

O qeyd edib ki, Azərbaycanda kibertəhlükəsizliklə bağlı yeni strategiya təsdiqlənəcək: “Ötən ilin sonunda Nazirlər Kabinetinin iclasında “Kibertəhlükəsizlik strategiyası” müzakirə olundu və qəbul olundu. Tezliklə bu strategiyanın təsdiqlənəcəyini gözləyirik”.

Tədbirdə çıxış edən “Microsof Azerbaijan” şirkətinin rəhbəri Sərxan Həşimov isə bildirib ki, son illər Azərbaycan hakerlərin diqqətini daha çox çəkməyə başlayıb: “Ölkəmiz inkişaf etdikcə bu qüvvələrin marağı daha da artır. Ümid edirəm ki, dövlət və özəl sektorun əməkdaşlığı nəticəsində haker hücumlarının qarşısını almaq üçün daha mükəmməl qanunvericilik bazası hazırlamaq mümkün olacaq”.