Böyük Qayıdış: Laçın rayonuna növbəti köç karvanı yola salınıb

AZAL-ın “Qarabağ” təyyarəsi Füzuli hava limanına enib
Elxan Süleymanovdan növbəti xeyriyyə aksiyası: 400 ailəyə yardım etdi
Kanadanın Xarici İşlər, Ticarət və İnkişaf Departamenti: Kanada Azərbaycanın ərazi bütövlüyünü tanıyır

Respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı martın 30-da Bakı şəhərinin Qaradağ rayonundan yola salınıb.

AZƏRTAC xəbər verir ki, bu mərhələdə Laçın şəhərinə daha 21 ailə (68 nəfər), Laçın rayonunun Zabux kəndinə isə 4 ailə (11 nəfər) köçürülüb.

Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Doğma yurda qayıdan Laçın sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar, həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailələrinə səbir diləyiblər.

Bununla da ümumilikdə Laçın şəhərində 472 ailənin, yəni, 1773 nəfərin, Zabux kəndində isə 215 ailənin – 819 nəfərin daimi məskunlaşması təmin edilib.