Bu gün Dağlıq Qarabağ üzrə İşçi Qrupun yeni üçtərəfli iclası baş tutacaq

Birinci vitse-prezident Mehriban Əliyeva NATO baş katibinin müavininin rəhbərlik etdiyi nümayəndə heyəti ilə görüşüb
Əfv Komissiyasının iclasları başa çatıb, siyahı Prezidentə təqdim ediləcək
Martda Həştərxanda Azərbaycan Biznes Mərkəzinin açılışı olacaq

Bu gün Dağlıq Qarabağ üzrə İşçi Qrupun Azərbaycan, Rusiya, Ermənistanın baş nazirlərinin müavinləri səviyyəsində yeni üçtərəfli iclası baş tutacaq.

“Report”un məlumatına görə, iclas videogörüş formatında keçiriləcək. Bu sayca dördüncü görüş olacaq.

Qeyd edək ki, işçi qrupu 2021-ci il martın 1-dək Azərbaycan Respublikası və Ermənistan Respublikası ərazisindən həyata keçirilən beynəlxalq daşımaların, həmçinin Azərbaycan Respublikası və Ermənistan Respublikası tərəfindən həyata keçirilən, yerinə yetirilməsi zamanı Azərbaycan Respublikasının və Ermənistan Respublikasının ərazilərinin kəsişməsi tələb olunan daşımaların təşkili, yerinə yetirilməsi və təhlükəsizliyinin təmin edilməsi üçün zəruri olan yeni nəqliyyat infrastrukturu obyektlərinin bərpasını və tikilməsini nəzərdə tutan tədbirlərin siyahısını və reallaşdırılması qrafikini Tərəflərin (Azərbaycan Respublikası, Ermənistan Respublikası və Rusiya Federasiyası – Report) yüksək səviyyədə təsdiqləməsi üçün təqdim etməlidirlər.

Report