Dünən Laçında həlak olan hərbçilərimiz Sumqayıt Şəhidlər Xiyabanında dəfn olunur

Prezident İlham Əliyev məhkum edilmiş bir sıra şəxslərin əfv olunması barədə Sərəncam imzalayıb
NATO Baş katibinin xüsusi nümayəndəsi: “Azərbaycan-NATO münasibətləri illər ərzində inkişaf edib:
Bakıda maliyyə cinayətləri ilə mübarizəyə həsr olunmuş seminar keçirilib

Laçın rayonunda ötən gün “KamAZ” hərbi yük avtomobilinin aşması nəticəsində  həlak olan hərbi qulluqçular Sumqayıt Şəhidlər Xiyabanında dəfn ediləcək. Sumqayıt Şəhər İcra Hakimiyyətindən deyiblər ki, həlak olanlar- kiçik çavuş Zeynallı Coşqun Çingiz oğlu və əsgər Rəhimli Orxan Elxan oğlu bu gün torpağa tapşırılır. (“Report”)

Müdafiə Nazirliyinin yaydığı məlumatda deyilirdi ki,  iyunun 28-də günorta saatlarında Laçın rayonu ərazisində  “KamAZ” markalı hərbi yük avtomobilinin qəzaya uğraması nəticəsində Azərbaycan Ordusunun müddətdən artıq həqiqi hərbi xidmət hərbi qulluqçuları – kiçik çavuş Zeynallı Coşqun Çingiz oğlu və əsgər Rəhimli Orxan Elxan oğlu həlak olublar.

Hadisənin Azərbaycan ordusunun Ermənistanla sərhəddə qurulmuş yeni postlarına aparan, mürəkkəb dağlıq ərazilərdən keçən təminat yollarından birində baş verdiyi ehtimal edilir.

Virtualaz