Fransalı milyarder “Notr-Dam-de-Pari” kilsəsinin bərpası üçün 100 milyon avro bağışlayıb

Azərbaycan Prezidenti İlham Əliyevin Rusiya Prezidenti Vladimir Putin ilə təkbətək görüşü olub
Azərbaycan Universitetinin professorunun Rusiyada iki dərs vəsaiti dərc edilib
Bu gün Brüsseldə Aİ və “Şərq tərəfdaşlığı” ölkələrinin XİN rəhbərlərinin görüşü keçiriləcək

Fransalı biznesmen Fransua-Anri Pino güclü yanğından zərər görmüş “Notr-Dam-de-Pari” kilsəsinin bərpası üçün 100 milyon avro bağışlayıb.

Bu barədə “Report” Fransa KİV-inə istinadən xəbər verir.

“Bu, bütün fransızlara acı verən faciədir. Hər kəs bizim ümumi irsimizin bu xəzinəsinin mümkün qədər tez bərpa edilməsini istəyir”, – Fransua-Anri Pino deyib.

Vəsait milyarderə məxsus “Artemis” şirkəti tərəfindən ayrılacaq.

İl-de-Frans regionunun başçısı həmçinin qeyd edib ki, yanğının baş verdiyi kilsəyə təcili yardım üçün 10 milyon avro ayrılacaq.

Xatırladaq ki, dünən “Notr-Dam-de-Pari” kilsəsində yanğın baş verib və kilsə üzərindəki uzun qüllənin bir hissəsi aşıb, həmçinin məbədin saatı yanaraq məhv olub. Fransa Daxili İşlər Nazirliyi yanğından sonra kilsənin bərpasının çətin olacağını açıqlayıb. Öz növbəsində Fransa Prezidenti Emmanuel Makron kilsənin bərpa edilərək yenidən əvvəlki vəziyyətə qaytaracaqlarına söz verib.

Qeyd edək ki, 10 saatdan çox davam edən yanğını gecə yarısından sonra söndürmək mümkün olub. İlkin məlumatlara görə, yanğına kilsənin yuxarı səviyyələrində aparılan təmir işləri səbəb olub.