“Google” şirkəti “Android 2.3” əməliyyat sistemilə çalışan cihazlarda öz servislərini bağlayır

Türkiyənin Kayseri şəhərində Xocalı parkının və Xocalı şəhidləri abidəsinin açılışı olub
Milli Kitabxanada “Görkəmli satirik şair – Mirzə Ələkbər Sabir” adlı elektron məlumat bazası təqdim olunub
Müdafiə naziri: “Münaqişə tezliklə ədalətli həll olunmazsa, düşmən Ordumuzun gücünü öz üzərində hiss edəcəkdir”

“Google” şirkəti sentyabrın 27-dən “Android 2.3” əməliyyat sistemilə çalışan cihazlarda öz servislərini bağlayır.

“Report” “The Sun”a istinadən xəbər verir ki, bununla da sözügedən cihazlarda “Google Play” və onun hədiyyə kartı, “YouTube”, “Google Drive”, “Gmail” kimi servislərin açdığı geniş imkanlardan yararlana bilməyəcək.

Şirkətdən bildiriblər ki, bu addım istifadəçiləri qorumaq məqsədilə atılıb. Belə ki, köhnə əməliyyat sistemilə çalışan cihazlarda hesaba icazə verilməsi ilə fərdi məlumatların oğurlanması təhlükəsinin yarandığı diqqətə çatdırılıb.

Qeyd edək ki, “Business of Apps” xidmətinə görə, bu ilin birinci rübündə dünyada “Android 2.3” əməliyyat sistemilə çalışan cihazların sayı 11,2 milyon olub ki, bu da bütövlükdə “Android” istifadəçilərinin ümumi sayının 0,4 faizi deməkdir. “Android 2.3.7” əməliyyat sistemi 2011-ci ildə tətbiq olunub.

Report