GUAM-ın baş katibi səsvermənin gedişini müşahidə edib

Gəncədə Azərbaycanın dövlətçilik tarixinə həsr olunmuş beynəlxalq elmi-praktik konfrans işə başlayıb
Səhiyyə Nazirliyi risk qrupuna daxil olan hamilə qadınların vaksinasiya olunmasını tövsiyə edir
Prezident İlham Əliyev zəlzələnin baş verdiyi Şamaxıda olub

GUAM-ın baş katibi Valeri Çeçelaşvili bir neçə seçki məntəqəsində səsvermənin gedişini müşahidə edib. APA-nın “vesti.az” saytına istinadən verdiyi məlumata görə, V. Çeçelaşvili bildirib ki, məntəqələrdə hökm sürən atmosfer çox müsbətdir: “Mən şadam ki, prezident seçkiləri azad şəraitdə keçir. Mənim prosesə hər hansı iradım yoxdur”.

GUAM-ın baş katibi səhər saatlarından başlayaraq məntəqələrdə insanların sıxlığının, uzun növbələrin müşahidə olunduğunu söyləyib. O, ötən seçkilərlə müqayisədə məntəqələrin texniki təchizatında irəliləyiş olduğunu vurğulayıb: “MSK lazımi nəticələr çıxarıb. Bu strukturun büdcəsi də artırılıb”.

Qeyd edək ki, V. Çeçelaşvili Sumqayıt şəhərində də səsverməni gedişini izləyəcək.