ADA Universitetində keçirilən “Yaşıl enerji və dayanıqlılıqda universitetlərin rolu” adlı beynəlxalq konfrans çərçivəsində “Yaşıl və dayanıqlı bərpa: Azərbaycan təcrübəsi” adlı tədqiqat layihəsi təqdim olunub.
AZƏRTAC xəbər verir ki, 2025-ci ilin sentyabr ayından başlanılan tədqiqat layihəsi Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi və ADA Universiteti tərəfindən hazırlanıb.
Layihə Ağdam, Füzuli, Şuşa və Zəngilan rayonlarında keçmiş məcburi köçkünlərlə aparılan sorğular əsasında onların sosial-iqtisadi ehtiyacları, dayanıqlı inkişaf istiqamətləri üzrə tövsiyələri və innovativ yanaşmaları əhatə edir.
AZƏRTAC