Məktəb kitabxanalarında Nəsiminin əsərlərinin müzakirəsi aparılacaq

Ulu öndər Heydər Əliyevin 95 illik yubileyi münasibətilə Astanada qazax dilində “Vətəninə yol açmış” adlı kitabın təqdimatı olub
Mirzə Ələkbər Sabirin yaradıcılığına həsr olunan bədii qiraət müsabiqəsinin hesabat tədbiri keçirilib
Azərbaycanlı rejissor Asiya-Sakit Okean Kino Akademiyasının ikinci dəfə qalibi olub

“Böyük Azərbaycan şairi İmadəddin Nəsiminin 650 illik yubileyinin keçirilməsi barədə” Bakı Şəhəri üzrə Təhsil İdarəsi (BŞTİ) əmr imzalayıb.

BŞTİ-dən AZƏRTAC-a bildirilib ki, müvafiq əmr ilə təsdiqlənmiş tədbirlər planında “Nəsimi ili” çərçivəsində disput, dəyirmi masa və konfransların təşkili nəzərdə tutulur. Həmçinin İmadəddin Nəsiminin həyat və yaradıcılığına həsr olunmuş ədəbi-bədii gecələr, müsabiqələr keçiriləcək. İmadəddin Nəsiminin 650 illik yubileyi ilə əlaqədar bülleten, divar qəzetləri, fotostendlər və bukletlər hazırlanacaq.

Təhsil müəssisələrində Nəsiminin bədii irsini, yaradıcılığını əks etdirən kitab və fotolardan ibarət sərgiyə baxış keçiriləcək, məktəb kitabxanalarında böyük şairin əsərlərinin oxusu və müzakirəsi aparılacaq. Bundan əlavə, yuxarı sinif şagirdləri arasında Nəsiminin 650 illik yubileyinə həsr olunmuş “Ən yaxşı təqdimat müsabiqəsi”, təhsil işçilərinin elmi konfransı və “Şeir, incəsənət və mənəviyyat” festivalı təşkil olunacaq.