Martda Həştərxanda Azərbaycan Biznes Mərkəzinin açılışı olacaq

NATO Baş katibi: “Başqa heç bir NATO ölkəsi Türkiyə qədər terror hücumlarına məruz qalmayıb”
Ali Baş Komandanın tapşırığı ilə cəbhə xəttində yerləşən hərbi hissələrdəki vəziyyət yoxlanılıb
AVCİYA Azərbaycanda keçiriləcək bələdiyyə seçkiləri ilə bağlı gördüyü hazırlıq işlərinə dair məlumat verib

Mart ayında Həştərxanda 5 min kvadratmetr ərazisi olan Azərbaycan Biznes Mərkəzi açılacaq. Həştərxan vilayətinin beynəlxalq və xarici iqtisadi əlaqələr naziri Denis Afanasyev vilayətin 2017-ci ildə beynəlxalq əlaqələrinin inkişafının yekunları və 2018-ci il üçün perspektivləri barədə hesabat məruzəsində bildirib ki, çoxfunksiyalı beşmərtəbəli binada sərgi, konfrans zalları, ofis otaqları və mini otel yerləşəcək.

Nazir qeyd edib ki, bu mərkəz Heydər Əliyev Fondunun vəsaiti ilə inşa edilib. Eyni zamanda, Bakıda Həştərxan Biznes Mərkəzinin tikintisinə başlanılıb. İki obyekt üzərində birgə iş regionla Azərbaycan arasında ticari-iqtisadi və nəqliyyat-logistika əlaqələrinin genişləndirilməsi məqsədi daşıyır. Rusiyanın digər subyektlərindən olan biznesmenlər də Biznes Mərkəzinin imkanlarından istifadə edə biləcəklər.

Xatırladaq ki, 2016-cı ilin dekabrında Azərbaycan Biznes Mərkəzinin təməlqoyma mərasimi keçirilib.

Fəridə Abdullayeva, AZƏRTAC-ın xüsusi müxbiri

Moskva