Milli Kitabxanada “Əməkdar incəsənət xadimi Sabit Rəhman – 115” adlı kitab sərgisi açılıb

Prezident İlham Əliyev Qubadlının işğaldan azad olunmasının ildönümü ilə bağlı paylaşım edib
ANAMA vətəndaşları məsuliyyətli olmağa və təhlükəli ərazilərə daxil olmamağa çağırıb
Azərbaycanlıların soyqırımının 100 illiyinə həsr olunan növbəti konfrans Qusarda təşkil ediləcək

Milli Kitabxanada XX əsr Azərbaycan komedioqrafiyasının və kinodramaturgiyasının görkəmli nümayəndəsi Sabit Rəhmanın anadan olmasının 115 illiyi münasibətilə “Əməkdar incəsənət xadimi Sabit Rəhman – 115” adlı ənənəvi kitab sərgisi açılıb.

Milli Kitabxanadan AZƏRTAC-a bildirilib ki, sərgidə yazıçının əsərləri, tərcümələri, redaktoru olduğu kitablar, həyatı, yaradıcılığı haqqında Azərbaycan və xarici dillərdə ədəbiyyatlar nümayiş olunur.

Sərgi bir həftə davam edəcək.

Qeyd edək ki, Azərbaycan yazıçısı, dramaturq, ssenarist, Əməkdar incəsənət xadimi Sabit Rəhman 1910-cu il martın 6-da Şəkidə (Nuxa) anadan olub. Ədəbi fəaliyyətə 1926–1927-ci illərdə Molla Nəsrəddin jurnalında dərc etdiyi felyetonlarla başlayıb. “Toy” (1938), “Aşnalar” (1945), “Aydınlıq” (1949), “Nişanlı qız” (1953), “Əliqulu evlənir” (1961), “Yalan” (1965), “Dirilər” (1970) və s. əsərləri ilə Azərbaycan komediya poetikasına zənginlik gətirib. O, dünyaca məşhur “Arşın mal alan” və “O olmasın, bu olsun”, “Koroğlu”, “Əhməd haradadır?” filmlərinin, “Ulduz” musiqili komediyasının ssenarilərinin, “Yeddi gözəl” baletinin librettosunun müəllifidir. Onun ədəbi-bədii irsi içərisində əllidən çox hekayə, “Son faciə”, “Arzular” povestləri, “Nina” (1947), “Böyük günlər” (1952) romanları, bir neçə pyes, məqalə, tərcümə, libretto və oçerklər təşkil edir.

AZƏRTAC