Noyabrın 21-23-də Bakıda dövlətlərarası Xəzər dənizi Su Bioresursları Komissiyasının I sessiyası keçiriləcək.
Bunu Trend-ə Azərbaycan Ekologiya və Təbii Sərvətlər Nazirliyinin (ETSN) Elmi-Tədqiqat Balıqçılıq Təsərrüfatı İnstitutunun direktoru Mehman Axundov deyib.
Onun sözlərinə görə, Xəzər Dənizi Su Biloloji Resurları Komissiyası təsisatlarası komissiya olub: “2014-cü ilin sentyabr ayında Rusiyanının Həştərxan şəhərində keçirilən Xəzəryanı ölkələrin dövlət başçılarının IV Zirvə Görüşündə qəbul olunan protokolda Xəzəryanı ölkələrin hökumətlərinə Xəzər Dənizi Su Biloloji Resurları Komissiyasının təsnifatlaşdırıcı statusdan hökumətlərarası statusuna qaldırılması barədə sazişin razılaşdırılması tapşırılıb. 2016-cı ilin ortalarında bu sazişə bütün Xəzəryanı ölkələr qoşulublar. Bu komissiyanın dövlətlərarası statusda ilk sessiyası isə Bakıda keçiriləcək”.
İnstitut direktoru qeyd edib ki, ümumilikdə 2011-ci ildən başlayaraq, Xəzəryanı ölkələrin hamısı nərəcinli balıqların sənaye ovuna texniki moratorium tətbiq edir: “Bu, o deməkdir ki, dövlətlərarası saziş olmasa da, biz bir-birimizə bu balıqları ovlamamaq barəsində söz vermişik. Bu balıqlar yalnız balıqartırma məqsədləri, qismən, yəni çox kiçik həcmdə də elmi-tədiqat məqsədləri üçün ovlana bilər. Amma moratoriumun tətbiqi barədə qərar qəbul oldunqudan sonra bu, artıq başqa – dövlətlərarası status səviyyəsində həyata keçiriləcək”.
M.Axundov qeyd edib ki, əsasən texniki məsələlərin müzakirə ediləcəyi ilk sessiyanın gündəliyinə konkret olaraq, nərəcinsli balıqların ovuna moratoriumun qoyulması məsələsi daxil edilməsə də, bu məsələnin iclasda müzakirə edilə və nərəcinsli balıqların ovuna 20-25 il moratoriumun qoyulması təklifi qaldırıla bilər: “Bu məsələ komissiyanın iclasının gündəliyində yoxdur. Amma 1-ci sessiya öz işinə başlayanda belə bir məsələ qaldırmaq istəyirik ki, nərəcinsli balıqların ovuna moratoriumun qoyulması sahəsində hökumətlərarası razılaşma olsun, onların ovlanmasına 20-25 il qadağa qoyulsun. Çünki onların kürüsü 18 il müddətinə yetişir. Ona görə də imkan vermək lazımdır ki, dənizdə nərəcinsli balıqlar inkişaf etsin və çoxalsın”.
Trend: