Naxçıvanda keçirilən “Milli geyimlər festivalı” böyük marağa səbəb olub

“İkinci Respublikanın tarixi (1920-1991)” monoqrafiyası çapdan çıxıb
Azərbaycan Prezidenti: Biz prinsipial mövqeyimizdən çəkilməyəcəyik, öz ərazi bütövlüyümüzün istənilən yolla bərpası bizim suveren hüququmuzdur
İlham Əliyev Anım Günü ilə əlaqədar Vətən müharibəsi şəhidlərinin xatirəsini bir dəqiqəlik sükutla yad edib

Sentyabrın 8-də Naxçıvan şəhərində yerləşən “Naxçıvanqala” Tarix-Memarlıq Muzey Kompleksində “Milli geyimlər festivalı” keçirilib. Festivalın izləyiciləri arasında muxtar respublika sakinləri ilə yanaşı, əcnəbi turistlər və “Naxçıvan: İslam Mədəniyyətinin Paytaxtı” mövzusunda keçirilən beynəlxalq konfransın iştirakçıları da olub.

AZƏRTAC-ın Naxçıvan bürosu xəbər verir ki, festivalda Naxçıvan Dövlət Filarmoniyasının Qədim Musiqi Alətləri Ansamblı, Naxçıvan Dövlət Filarmoniyasının, Naxçıvan Dövlət Uşaq Filarmoniyasının rəqs qrupları və digər kollektivlər xalq mahnılarını, milli rəqsləri ifa ediblər. Bundan başqa, Naxçıvanda fəaliyyət göstərən teatrların aktyorlarının ifasında müxtəlif kompozisiyalar təqdim olunub. Geyim və rəsm sərgilərində əl işləri, qədim dövrlərə aid muzey eksponatları nümayiş etdirilib.

Xanlıqlar dövrünün saray geyimlərindən ibarət dəfilənin nümayişi tədbirə əlavə rəng qatıb. Azərbaycanın bütün bölgələrinə aid milli geyimli gənclərin əllərində oxunması zəruri olan kitablarla festivalda iştirakı marağa səbəb olub.