Niderlandda mart soyqırımı ilə bağlı “Səssiz yürüş” keçirilib

Azad edilmiş ərazilərimizin zərərsizləşdirilməsi üzrə tədbirlər davam etdirilir
Rusiyanın Həştərxan şəhərində Azərbaycan Biznes Mərkəzinin açılışı olub
Azərbaycan Prezidenti Tovuz rayonunun atəşə tutulması nəticəsində dəymiş ziyanın aradan qaldırılması ilə bağlı Sərəncam imzalayıb

Niderland Krallığının Rotterdam şəhərində Avropa Azərbaycanlıları Konqresinin (AAK) ve Benilüks Azərbaycanlıları Konqresinin (BAK) təşkilatçılığı ilə Azərbaycanlıların Soyqırımı Gününə həsr edilən “Səssiz yürüş” aksiyası keçirilib.

AAK-dan APA-ya verilən məlumata görə, bu il erməni terrorçularının azərbaycanlılara qarşı törətdiyi soyqırımının 100 illiyi ilə əlaqədar Benilüks ölkələrində də silsilə tədbirlər təşkil olunur.

Rotterdam şəhərində keçirilən aksiyaya Niderland Krallığında fəaliyyət göstərən türk, Latviya, Litva, Estoniya, İraq türkmənlərinin diaspor təşkilatları da yaxından dəstək verib. Aksiya iştirakçıları təkcə erməni terrorçularına yox, eyni zamanda onlara dəstək verən bəzi Avropa dövlətlərinə də etirazlarını bildiriblər.

BAK-ın birinci vitse-prezidenti, Azərbaycan-Hollandiya Həmrəylik Cəmiyyətinin sədri Elsevər Məmmədov bildirib ki, indi Avropada güclü Azərbaycan diasporu mövcüddur: “Azərbaycanlılar Avropanın istənilən ölkəsində öz gücünü göstərməyə qadirdilər”.  Aksiya iştirakçıları eyni zamanda Niderland Parlamentinin alt palatasında, sözdə “erməni soyqırımını” qəbul etdikləri sənədə görə öz qəti etirazlarını bildirərək bundan sonra da hər zaman Türkiyənin yanında olacaqlarını bildiriblər. AAK və BAK  Azərbaycan Diasporla İş üzrə Dövlət Komitəsi, Niderlandda və Belçikada fəaliyyət göstərən Azərbaycanın diplomatik korpusları ilə birgə fəaliyyət göstərir.