“Sərsəng humanitar faciəsinin qarşısının alınması” layihəsi üzrə ictimai hesabatın regionlarda təqdimatı davam edir

Ermənistan Dağlıq Qarabağı Azərbaycanın tərkib hissəsi kimi tanıyan Avropa İttifaqı ilə Saziş imzalayıb
AŞPA Sərsəng su anbarı ilə əlaqədar məruzəçi təyin edib
Azərbaycan və Ermənistan dövlət sərhədində keçirilən monitorinq insidentsiz başa çatıb

Azərbaycanda Vətəndaş Cəmiyyətininİnkişafına Yardım Assosiasiyası (AVCİYA) ötən bir il ərzində “Sərsəng humanitar faciəsinin qarşısının alınması” layihəsi çərçivəsində gördüyü işlərə dair Sərsəng su anbarının əhatə dairəsinə düşən rayonlarda İctimai hesabatını təqdim etməyə davam edir.

Dünən Tərtər şəhərində rayon icra hakimiyyətinin rəhbər şəxslərinin, rayon bələdiyyə, kənd icra nümayəndələrinin, fermer təsərrüfatlarının rəhbərlərinin, iş adamlarının, su təsərrüfati və meliorasiya təsərrüfatları əməkdaşlarının, yerli icmaların, məktəb direktorlarının, kənd tibb məntəqələrinin və rayon fəallarının iştirakı ilə İctimai hesabat görüşləri keçirilmişdir.

Görüşdə çıxış edən AVCİYA-nın vitse prezidenti Vəli Əlibəyov və layihənin eksperti Şahin Camalov görülən işlər barədə məlumat vermiş, AVCİYA ekspertlərinin hazırladıqları hesabatların təqdimatını keçirmişlər.

Növbəti günlərdə isə  digər rayonlarda da bu cur ictimai hesabatların təqdim olunması həyata keçiriləcəkdir.

AVCİYA-nın mətbuat xidməti