Şamaxı: 5 evin tikintisi başa çatır, daha 7 ev isə inşa olunacaq

Prezident İlham Əliyev Səudiyyə Ərəbistanının daxili işlər nazirinin başçılıq etdiyi nümayəndə heyətini qəbul edib
İçərişəhərdə Bakı Fotoqrafiya Evinin açılışı olub
Azərbaycanın Raket və Artilleriya Qoşunlarının silah və hərbi texnikası atəş mövqelərinə çıxarılıb

Fevralın 5-i və 6-da Şamaxıda baş verən zəlzələnin törətdiyi dağıntıların miqyasının dəqiqləşdirilməsi, habelə dəyən zərərin nəticələrinin aradan qaldırılması istiqamətində tədbirlər davam etdirilir.

Rayon fövqəladə hallar komissiyasının sədr müavini Rüstəm Əliyev AZƏRTAC-ın bölgə müxbirinə bildirib ki, hazırda Şamaxı şəhərindəki Salman Mümtaz, Əliyarbəyov, Azadlıq, Səttar Bəhlulzadə və Şəhriyar küçələrində 5 ev yenidən tikilir. Artıq bütün evlərdə hörgü işləri başa çatıb, bəzilərində isə dam örtüyü vurulur. Bu evlərdə inşaat işləri qısa vaxtda başa çatdırılacaq.

Hazırda daha 7 evin söküntüsü işləri aparılır. Yaxın günlərdə bu evlərin də inşasına başlanılacaq.