Seçkiləri müşahidə edəcək beynəlxalq müşahidəçilər mətbuat konfransı keçiriblər

Prezident İlham Əliyev və birinci xanım Mehriban Əliyeva İçərişəhərin bir hissəsində aparılan bərpa-konservasiya işləri ilə tanış olublar
Azərbaycan Prezidenti İlham Əliyev İtaliya Senatı sədrinin başçılıq etdiyi nümayəndə heyətini qəbul edib
Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Azərbaycan Respublikasında 01 noyabr 2015-ci il tarixdə keçirilmiş Milli Məclisə Seçkilərlə əlaqədar BƏYANATI

Sabah Azərbaycanda keçiriləcək prezident seçkilərini müşahidə edəcək “Ədalətli seçkilər uğrunda” beynəlxalq təşkilatının müşahidə missiyasının üzvləri mətbuat konfransı keçiriblər. APA-nın məlumatına görə, missiyanın Çexiyadan olan üzvü Anna Curdova bildirib ki, bu səhər tezdən Bakıda 5 seçki məntəqəsində olublar və müşahidələr göstərib ki, seçkiyə hazırlıq problemsiz, normal səviyyədədir.

O qeyd edib ki, sabahkı seçkiləri müşahidə etmələri ilə bağlı heç bir problem görmür. Missiyanın rəhbəri rusiyalı Sergey Mirzoev isə deyib ki, ümumilikdə seçki prosesinə hazırlıq yüksək səviyyədə təşkil olunub: “Mən artıq indiyə qədər 6 məntəqədə olmuşam. Hər şey məni qane edib. Xüsusilə seçici siyahılarının məntəqələrdə yerləşdirilməsi və hər namizədin nümayəndələrinin müşahidəsi üçün bərabər şəraitin yaradılması deməyə əsas verir ki, seçkilər problemsiz keçəcək. Biz sabah seçkiləri müşahidə edərək öz təəssüratlarımızı yenidən bölüşəcəyik”. /APA/