Söz Azadlığını Müdafiə Fondu mətbuat xidmətlərinin reytinq sorğusunu keçirir

SAMF reklamların yazılışında dövlət dilinin monitorinqini aparıb
Tədris ilinin başlanması ilə əlaqədar Beynəlxalq Avtovağzal gücləndirilmiş iş rejiminə keçib
Prezident İlham Əliyev Bakıda yeni istifadəyə verilən idman və istirahət parkında yaradılan şəraitlə tanış olub

Söz Azadlığını Müdafiə Fondu (SAMF) “Ən operativ mətbuat xidmətinin müəyyən edilməsi”ni aydınlaşdıracaq reytinq sorğusuna start verib. İkinci dəfə həyata keçirilən rəy sorğusu 2009-cu il noyabr ayından “KİV və mətbuat xidmətləri: mövcud vəziyyətin təhlili və strateji inkişaf istiqamətləri” adlı layihənin davamı kimi həyata keçirilir. Sorğu KİV-mətbuat xidməti münasibətlərinin 2010-cu ildə hansı istiqamətə doğru dəyişdiyini aydınlaşdırmaq niyyəti ilə reallaşdırılacaq. Bununla yanaşı, sorğunun keçirilməsində məqsəd öz üzərlərinə düşən vəzifəni hüquqi, demokratik dövlət idarəçiliyi prizmasından yerinə yetirən dövlət orqanlarının mətbuat xidmətlərinin adlarını geniş ictimaiyyətə açıqlamaq, bununla da mətbuat xidməti institutları əməkdaşlarının işlərinə daha tələbkar yanaşmalarına və xüsusən də jurnalistlərin peşə fəaliyyəti zamanı üzləşdikləri əsassız maneələrin aradan qaldırılmasına yardımçı olmaqdır. Rəy sorğusu fondun könüllüləri tərəfindən həyata keçiriləcək. Sorğunun KİV-də çalışan 500 media təmsilçisi arasında aparılması nəzərdə tutulur. Nəticələr barədə ictimaiyyətə məlumat veriləcək.