TANAP-ın baş direktoru: Əldə edilən gəlirin 58 faizi Azərbaycana düşəcək

Məhərrəm Zülfüqarlı: “Ermənistanın sülhə hazır olması ilə bağlı yayılan informasiyalar onu göstərir ki, Azərbaycan öz uğurlarını daha da artırıb”
Elxan Süleymanov: “AŞPA-nın Sərsəng qətnaməsini də Prezidentimiz özü icra etdi”
BORÇALI SÖHBƏTLƏRİ: “Borçalı ədəbi mühiti: dünən və bu gün”

TANAP qaz-boru kəməri tam gücü ilə işə düşdükdən sonra qazın nəql edilməsindən 1.45 milyard dollara qədər gəlir əldə ediləcək.

Trend-in məlumatına görə, bunu bu gün İstanbulda keçirdiyi mətbuat konfransında TANAP-ın baş direktoru Saltuk Düzyol deyib.

Onun sözlərinə görə, bu məbləğin 58 faizi Azərbaycana düşəcək.

S.Düzyol bildirib ki, Azərbaycan, eyni zamanda TANAP kəməri ilə daşınan öz təbii qazından gəlir əldə edəcək:

“Trans-Anadolu qaz boru kəmərinin (TANAP) işə salınması Azərbaycanla Türkiyə arası qaz nəqli həcmlərini artıracaq. Nəticədə Türkiyənin Rusiyadan alınan qazdan asılılığını daha da azaldacaq”.

Baş direktor əlavə edib ki, indiyədək TANAP-ın işlənilməsi çərçivəsində qazın nəqlindən Türkiyə hokumətinə hər min kubmetrə 5,95 ABŞ dolları ödənilib.

Trend.az