Məşhur türk müğənnidən Azərbaycana dəstək

Səfir: Konvensiya Xəzəryanı ölkələr arasında mehriban qonşuluq əlaqələrini daha da möhkəmləndirəcək
Xocavəndli məcburi köçkünlər Cənubi koreyalı həkimlər tərəfindən müayinə və müalicə olunurlar
Azərbaycanın BMT yanında daimi nümayəndəsi: Erməni işğalı nəticəsində Azərbaycanın mədəni irs obyektləri təhqir edilib

Türkiyənin məşhur müğənnisi Demet Akalın Dağlıq Qarabağ həqiqətlərinin dünyaya tanıdılması ilə bağlı Ağ evin saytında yerləşdirilən petisiyaya qoşulub.

AzVision.az xəbər verir ki, bu barədə Demet Akalın 4 milyondan artıq izləyici olan sosial şəbəkədəki səhifəsində məlumat paylaşıb.

“Hər kəs işğalın fərqindədir. Ermənistanın Azərbaycandakı işğalına sən də dur de! Ermənistanın işğal etdiyi Azərbaycan torpaqlarının qaytarılması və bölgədəki insan fəlakətlərinin qarşısının alınması üçün sən də petisiyaya səs ver!”

Qeyd edək ki, Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) aprelin 6-da “Ədalətin bərqərar olunması və böyük fəlakətin qarşısının alınması naminə” adlı petisiya layihəsinin icrasına start verib. Petisiya Ağ evin saytında yerləşdirilib.

AzVision.az