“Venesiya Komissiyasının rəyi Azərbaycanda referendumun keçirilməsinə heç bir təsir göstərməyəcək”

Prezident İlham Əliyev “Tokio-2020” Yay Paralimpiya Oyunlarında qızıl medal qazanan idmançımızı təbrik edib
Ailə, Qadın və Uşaq Problemləri üzrə Dövlət Komitəsi: hər 100 min nəfərə düşən intiharların sayı orta hesabla 5 fakt təşkil edir
Avropa İttifaqının büdcə qalığı koronavirusla mübarizəyə xərclənəcək

Avropa Şurasının rəsmiləri Azərbaycanda keçiriləcək referendumla bağlı tənqidi siyasi bəyanatlar verməkdə tələskənliyə yol veriblər.
Belə olan halda Avropa Şurası Venesiya Komissiyasının referendumla bağlı rəyinin də hüquqi, peşəkar və siyasətdən kənar olması məsələsi mübahisə mövzusu ola bilər”. Bu sözləri APA-ya eksklüziv açıqlamasında Azərbaycanın Avropa Şurası Parlament Assambleyasındakı (AŞ PA) nümayəndə heyətinin üzvü Əli Hüseynov deyib.
Ə. Hüseynov bildirib ki, referendumla bağı təşəbbüs irəli sürüldükdən, referenduma çıxarılan məsələlər açıqlanandan sonra AŞ rəsmiləri məsələ ilə bağlı bəyanatlar veriblər, eyni zamanda layihənin öyrənilməsi və Venesiya Komissiyası tərəfindən rəy verilməsi tövsiyə edilib: “Belə olan halda Venesiya Komissiyasının rəyində hansısa məsələlərlə bağlı tənqidi elementlər olacaqsa, bu, məni qətiyyən təəccübləndirməz. Çünki bu, həmin siyasi bəyanatların fonunda baş verir”.
Millət vəkili Venesiya Komissiyasının rəyinin Azərbaycanda referendumun keçirilməsinə heç bir təsir göstərməyəcəyini də vurğulayıb.
O, həmçinin, bildirib ki, Venesiya Komissiyası AŞ üzvü olan bəzi ölkələrdə də Konstitusiya dəyişiklikləri baş verərkən oxşar məsələlərlə bağlı rəy verib: “Venesiya Komissiyası digər ölkələrə münasibətdə özünün öncəki, analoji məsələlərlə bağlı rəyinə hörmətlə yanaşmalı və adekvat rəy verməlidir”./APA/