Xarici səyyahlar Şuşa şəhərinə səfər edib

Dövlət Miqrasiya Xidmətinin rəisi Azərbaycan-Fransa Ticarət Palatasının nümayəndələri ilə görüşüb
Professor Asif Hacıyevin Rusiyada yeni dərs vəsaitləri dərc edilib
Heydər Əliyev Mərkəzində 200-dək unikal musiqi aləti sərgilənəcək

Bir qrup xarici səyyah və bloger Şuşa şəhərində olub.

“Report” xəbər verir ki, onlar Azərbacanın görkəmli nümayəndələri olan Natəvan, Bülbül və Üzeyir Hacıbəyovun gülləboran edilmiş heykəllərinin yerləşdiyi şəhərini mərkəzi meydanında olublar.

Daha sonra onlar Xurşidbanu Natəvanın evinə, həmçinin Şuşa qala divarlarına və Cıdır Düzünə baş çəkiblər.

Səyyahlara şəhərin tarixi haqqında məlumat verilib. Onlar işğal altında olarkən Şuşada törədilmiş dağıntıları gözləri ilə görüb, aparılan bərpa işlərinin gedişi ilə tanış olublar.

Xatırladaq ki, bu gün bir qrup tanınmış xarici səyyahın Azərbaycanın azad edilmiş ərazilərinə səfəri başlayıb. Ukrayna, Macarıstan, Hindistan, İsveç, Türkiyə, Danimarka, Almaniya, ABŞ, İspaniya və Sinqapurdan olan 24 səyyah üç gün ərzində Azərbaycanın azad edilmiş ərazilərində səfərdə olacaq.

Nümayəndə heyəti daha sonra Ağdama, Kəlbəcərə və Laçına gedəcək.

Report