AVCİYA Parlament seçkiləri ilə bağlı regionlar üzrə müşahidəçilərin seçilməsini başa çatdırıb

Azərbaycanda minimum aylıq əməkhaqqı artırıldı
“Ölkəmizi tanıyaq”: məktəblilərin Azərbaycanın bölgələrinə növbəti maarifləndirici tur-aksiyaları başlayır
Murmansk azərbaycanlıları Milli Qurtuluş Gününü və Rusiya Gününü qeyd ediblər

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahı Milli Məclisə seçkilərlə əlaqədar regionlar üzrə müşahidəçilərin seçilməsi, onların qeydiyyatdan keçirilməsini başa çatdırıb. AVCİYA-nın Seçki Qərargahının çərşənbə axşamı yaydığı məlumata görə, bu günə qədər müşahidəçilər üçün 36 seminar keçirilib. Konkret olaraq sentyabrın 28-dən oktyabrın 12-nə qədər Lənkəran, Lerik, Masallı, Yardımlı, Cəlilabad, Gəncə, Göygöl, Şəmkir, Ağstafa, Şirvan, Hacıqabul, Sabirabad, Saatlı, Zaqatala, Balakən, Qax, Şəki, Oğuz, Qəbələ, Mingəçevir, Ağdaş, Göyçay, Qobustan rayonlarında və şəhərlərində seminarlar keçirilib.

Bundan əlavə, Bakı şəhəri üzrə müşahidəçilərə AVCİYA Seçki Qərargahında 12 treninq təşkil olunub.

Seçki Qərargahının əməkdaşlarından ibarət 2 qrup treninqlərə nəzarət edib.

Müşahidəçilər üçün seminarları AVCİYA-nın sertifikatını almış 43 nəfərdən ibarət təlimçilər qrupu həyata keçirir.

Azərbaycanda Parlament seçkisi noyabrın 7-də keçiriləcək.

Trend