M.Zaxarova: Bir sıra siyasi qüvvələrin Azərbaycandakı prezident seçkilərinə mənfi yanaşması hələ seçkilər keçirilənədək aydın görünürdü

Prezident Qarabağ Dirçəliş Fondunun İdarə Heyətinin sədri təyin edilməsi haqqında Sərəncam imzaladı
Şuşada dahi Azərbaycan şairi Molla Pənah Vaqifin muzey-məqbərə kompleksinin bərpadan sonra açılışı olub
Akif Həsənov: azərbaycanlılar Gürcüstanda ölkənin mədəni, ictimai, təhsil həyatına inteqrasiya edən sayca ikinci xalqdırlar

Bir sıra siyasi qüvvələrin Azərbaycandakı prezident seçkilərinə mənfi yanaşma meyli hələ seçkilərin özü keçirilənə qədər aydın görünürdü.

Bunu RF Xarici İşlər Nazirliyinin rəsmi nümayəndəsi Mariya Zaxarova Moskvada keçirdiyi brifinqdə MDB dövlətləri və Qərb ölkələrinin beynəlxalq müşahidəçilərinin seçkiləri qiymətləndirməsinin fərqliliyi ilə bağlı sualı cavablandırarkən deyib.

Onun sözlərinə görə, Qərbdəki bir sıra qeyri-hökumət təşkilatlarının təmsilçiləri, Qərb ölkələrinin rəsmi nümayəndələri tərəfindən təkcə Azərbaycana deyil, bir sıra ölkələrə qarşı belə münasibət sərgilənir. “Şübhəsiz ki, onlar öz sözlərini deməlidir. Lakin bununla bağlı biz çox gözəl başa düşürdük və deyirdik ki, bir sıra siyasi qüvvələrin Azərbaycandakı seçkiləri mənfi qiymətləndirmə meyli hələ seçkilərin özünədək, bu cür qərəzli və əvvəlcədən formalaşdırılmış yanaşma olduğu zaman aydın idi”, -deyə M.Zaxarova vurğulayıb.

Fəridə Abdullayeva, AZƏRTAC-ın xüsusi müxbiri

Moskva