Moskvada “Azərbaycanın ənənəvi sənəti” adlı sərgi keçiriləcək

YUNESKO-nun Hökumətlərarası Komitəsində Ermənistanın təxribatının qarşısı alınıb
Prezident İlham Əliyevlə Dünya Bankının yeni vitse-prezidenti və digər nümayəndələri arasında videokonfrans keçirilib
Prezident İlham Əliyev Milli Məclisin deputatı Fəttah Heydərova “İstiqlal” ordeni təqdim edib

Bu gün Moskvada Dövlət Şərq Muzeyində “Məkan harmoniyası. Azərbaycanın ənənəvi sənəti” adlı sərginin açılışı olacaq.

“Report” şəhərin rəsmi saytına istinadən xəbər verir ki, sərgidə Azərbaycan Xalça Muzeyinin və Rusiya Dövlət Şərq Sənət Muzeyinin kolleksiyasından 100-dən çox dekorativ-tətbiqi sənət predmeti nümayiş etdiriləcək.

“Sərginin qonaqları XIX-XX əsrin əvvəllərində Azərbaycan evlərində mövcud olmuş ənənəvi interyerin özəllikləri ilə tanış olacaqlar. Həmçinin onlar xalçaların və toxuculuğun məkan harmoniyasının yaradılmasındakı rolunu öyrənəcəklər”, – məlumatda deyilir.

Sərgi ekspozisiyasına toy mərasimi predmetləri, ənənəvi cehiz elementləri, müxtəlif növ və tip əllə tikiş nümunələri daxildir.

Bundan əlavə, sərgidə həmçinin XIX əsrə aid Qarabağın “Bəhmənli” xalçasını da görmək mümkün olacaq.

Qeyd edək ki, Rusiya Dövlət Şərq Sənət Muzeyinin tarixi 1918-ci ildə məhz bu xalçadan başlayır.

Sərgi mayın 12-dək davam edəcək.