QURBANOV Novruz Əliyullah oğlu

ƏHƏDOV Elşad Saday oğlu
ALICANOV Rafiq Cəfər oğlu
HÜSEYNOV Sadıq Dayandur oğlu

QURBANOV Novruz Əliyullah oğlu (2.6.1975, Ağstafa r-nunun Yuxarı Göycəli  k. – 17.3.1995) – Azərbaycanın Milli Qəhrəmanı (4.4.1995, ölümündən sonra).

 1975-ci il iyunun 2-də Ağtafa  rayonunun Yuxarı Göycəli kəndində dünyaya göz açmışdır. 1992-ci ildə burada orta məktəbi bitirmişdir. 1993-cü il iyul ayının 3-də Novruz Ağstafa rayon Hərbi Komissarlığı tərəfindən Milli Orduya çağırılmışdır. O, 776 saylı hərbi hissədə xidmətə başlayır. Xeyli müddət hərbi təlimlərdə iştirak edir. Sonra torpaqlarımızın  müdafiəsi uğrunda gedən döyüşlər başlayır. O, öz qəhrəmanlığı ilə əsgər və zabit heyətinin dərin hörmətini qazanır.

1994-cü ilin mayında atəşkəs elan olunanda hamı sevinirdi. Hamı müharibənin qurtarmasını, münaqişənin sülh yolu ilə tənzimlənməsini gözləyirdi. Lakin, sən demə, bu müharibənin sonu deyilmiş. Atəşkəsin üstündən bir il keçməmiş ölkədə qarşıdurma başladı. Bu, vahid düşmənə qarşı müharibə deyil, dövlətçiliyimizə, müstəqilliyimizə qarşı yönələn bir müharibə idi. 1995-ci il mart ayının 13-də mənfur niyyətli bir qrup millət xaininin başçılıq etdiyi silahlı dəstə dövlət çevrilişinə cəhd planı hazırlamışdı. Ancaq Milli Ordumuzun səyi nəticəsində bu dəstə zərərsizləşdirildi. N.Qurbanov da müstəqilliyimizin qorunub saxlanılması üçün əsgəri rəşadət göstərdi. Əfsuslar olsun 17 mart 1995-ci ildə gülləyə tuş gəldi. Gənc əsgərin ömrü qırıldı.

Subay idi.

Azərbaycan Respublikası Prezidentinin 4 aprel 1995-ci il tarixli 307 saylı fərmanı ilə Qurbanov Novruz Əliyullah oğluna ölümündən sonra “Azərbaycanın Milli Qəhrəmanı” adı verilmişdir.

Yuxarı Göycəli kəndində dəfn edilmişdir.

Doğulduğu kənddə büstü qoyulmuşdur.

Əd.: Vüqar Əsgərov “Azərbaycanın Milli Qəhrəmanları” (Yenidən işlənmiş II nəşr), Bakı, 2010, səh. 178