ANAMA vətəndaşları məsuliyyətli olmağa və təhlükəli ərazilərə daxil olmamağa çağırıb

Paşinyan son sözləri ilə göstərdi ki, münaqişə ilə bağlı Mətyu Brayzənin deyil, məhz özünün məlumatı yoxdur
Milli Məclis qələbə münasibətilə orden və medalların təsis olunması layihəsini I oxunuşda təsdiqlədi
Azərbaycan və Ermənistan dövlət sərhədində növbəti monitorinq keçiriləcək

Ötən gün Tərtər rayonunun Həsənqaya kəndi yaxınlığında minaya düşərək xəsarət alan Zaməddin Həsənovun hər iki ayağı amputasiya edilib.

Bu barədə AZƏRTAC-a Azərbaycan Respublikasının Minatəmizləmə Agentliyinin (ANAMA) mətbuat xidmətindən məlumat verilib.

ANAMA bir daha vətəndaşları məsuliyyətli olmağa və təhlükəli ərazilərə daxil olmamağa çağırır. Təhlükəli ərazilərdə hər bir addım ölümcül fəsadlar törədə bilər. Aşağıdakı tövsiyələrə riayət edərək mina təhlükəsi ilə mübarizə fəaliyyətinə dəstək olaq:

∙ Təhlükəli və bələd olmadığınız ərazilərə daxil olmayın!

∙ Yalnız gündəlik işlək yollardan istifadə edin!

∙ Yolda və ya cığırda olan maneələrdən ehtiyatlı olun!

∙ Naməlum əşyalara toxunmayın!

∙ Özünüzü, ailənizi, yaxınlarınızı düşünün!

AZƏRTAC