AVCİYA referendumda “exit-poll” keçirəcək

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) martın 18-də keçiriləcək referendumu müşahidə edəcək və “exit-poll” aparacaq. APA-nın məlumatına görə, bu barədə qurumun Seçki Qərargahının rəhbəri Məhərrəm Zülfüqarlı məlumat verib. Onun sözlərinə görə, hazırda assosiasiya referendumla bağlı maarifləndirmə işləri aparır, bu istiqamətdə kitabça nəşr etdirib. Referendumla bağlı “exit-poll”un isə ötən prezident seçkilərində olduğu kimi 800 seçki məntəqəsində aparılması nəzərdə tutulub. /APA/