Avropa Parlamenti Azərbaycan səfirinin məktublarını erməni diasporuna ötürüb

Ümumilikdə azad olunmuş ərazilərdə 13 min 273 hektar ərazi minalardan təmizlənib
Prezident İlham Əliyev “Azərxalça” ASC-nin Xaçmaz filialının açılışında iştirak edib
İkinci mərhələdə Cocuq Mərcanlı kəndinə 50-dən çox ailə köçürülüb

Avropa Parlamenti Azərbaycan səfirinin məktublarını erməni diasporuna ötürürməklə Avropa İttifaqı (Aİ) və rəsmi Bakı arasında gərginlik yaradıb.

“Report” xəbər verir ki, bu barədə Caliber.az saytı Belçikanın Eureporter.co saytına istinadən məlumat yayıb.

Aİ-nin xarici əlaqələr və təhlükəsizlik siyasəti üzrə ali nümayəndəsi Jozep Borrel Azərbaycanın Ukraynaya humanitar yardım göndərməsini, Moldova və Cənub-Şərqi Avropaya qaz tədarükünü artırmağa hazır olmasını alqışladığı bir zamanda Azərbaycanın Aİ-dəki nümayəndəsi və Belçikadakı səfiri Vaqif Sadıqov Avropa Parlamentinin onun təcili diplomatik məlumatlarının (depeşa) erməni diasporuna ötürməsindən məyusluğunu ifadə edib.

Azərbaycan səfiri özünün tviter səhifəsində bu barədə yazıb: “İnanılmaz olsa da fakt budur ki, Avropa Parlamenti Azərbaycan səfirinin məktublarını məqsədyönlü şəkildə erməni diasporunun nümayəndələrinə ötürüb. Maraqlıdır, Avropa Parlamentinə ünvanlanan və bir çox həssas məsələlərə toxunan digər məktublar da parlamentdəki və onun ətrafındakı lobbiçilərə və nüfuzlu qruplara sızdırılır?”

Report