Azərbaycanda referendumu izləyəcək AŞPA missiyasının rəhbəri və tərkibi məlum olub

UNESCO-ya üzv ölkələrin daimi nümayəndələrinə regiondakı son proseslər barədə məlumat verilib
İslam Əməkdaşlıq Təşkilatının (İƏT) Baş katibi Azərbaycana səfərə gələcək
Prezident İlham Əliyevin Gürcüstanın Baş naziri ilə mətbuata bəyanatda səsləndirdiyi fikirlər bu ölkənin mediasında geniş işıqlandırılıb

AŞPA Azərbaycanda Konstitusiyaya dəyişikliklərlə bağlı keçiriləcək referendumu izləmək üçün qiymətləndirmə missiyası göndərəcək.
APA-nın AŞPA-ya istinadən verdiyi məlumata görə, hökumətin dəvəti əsasında baş tutacaq missiyaya makedoniyalı Aleksandr Nikoloski rəhbərlik edəcək.
Nümayəndə heyətinin tərkibinə həmçinin italiyalı  Andrea Rigoni, bolqarıstanlı Yanaki Stoilov, ispaniyalı Antonio Gutierrez, polşalı Dominik Tarçinski və Azərbaycan üzrə məruzəçilər Stefan Şennak (Avstriya) və Sezar Florin Preda (Rumıniya) daxildir.
Missiya səfər müddətində Azərbaycan prezidenti İlham Əliyev, parlamentin spikeri, Mərkəzi Seçki Komissiyasının rəhbəri, Azərbaycanın AŞPA-dakı nümayəndə heyəti, vətəndaş cəmiyyəti və media təmsilçiləri ilə görüşəcək.
AŞPA nümayəndələri səsvermə günü məntəqələrini gəzəcəklər.
Səsvermə ilə bağlı ilkin nəticələrə dair mətbuat konfransı referendumun səhəri günü keçiriləcək.