Baş prokuror: “Bu faciədən siyasi məqsədlər üçün istifadə edilməsi yolverilməzdir”

Mikayıl Cabbarov: “Azərbaycanın Avropaya qaz tədarükünü artırmaq üçün əlavə enerji resursları var”
Prezident İlham Əliyev İspaniya “El Pais” qəzetinə müsahibə verib
Milli Məclisin növbədənkənar sessiyasının növbəti plenar iclasının vaxtı və gündəliyi açıqlanıb

“Noyabrın 30-da Dövlət Sərhəd Xidmətinin Mİ-17 tipli helikopterinin təlim uçuşu yerinə yetirərkən qəzaya uğraması nəticəsində həlak olan hərbçilərimizin ailələrinə, yaxınlarına öz adımdan və Baş Prokurorluğun kollektivi adından başsağlığı verirəm, xəsarət alanlara şəfa diləyirəm”.

Baş Prokurorluğun mətbuat xidmətindən verilən məlumata görə, bunu Kiyevdə səfərdə olan Azərbaycanın Baş prokuroru, I dərəcəli dövlət ədliyyə müşaviri Kamran Əliyev jurnalistlərə açıqlamasında deyib. 

Kamran Əliyev bildirib ki, bu faktla bağlı artıq cinayət işi başlanıb: “Dövlətimizin başçısı İlham Əliyevin tapşırığı əsasında cinayət işi tam və hərtərəfli araşdırılacaq, bu hadisənin bütün səbəb və şəraiti istintaq zamanı öyrəniləcək. İstintaqın gedişi barədə Azərbaycan ictimaiyyəti ətraflı və mütəmadi məlumatlandırılacaq”.

Baş prokuror təəssüf hissi ilə qeyd edib ki, bəzi şəxslər tərəfindən bu hadisədən siyasi məqsədləri üçün sui-istifadə hallarına cəhdlər göstərilir, heç bir fakta söykənməyən əsassız şayiələr yayılır: “Bununla bağlı bildirirəm ki, bu kimi şəxslər barədə Azərbaycanın qanunlarında nəzərdə tutulan ən sərt tədbirlərin görülməsi təmin ediləcək. Bu faciədən siyasi məqsədlər üçün istifadə edilməsi yolverilməzdir”.