Elxan Süleymanov: “Qarabağ dondurulmuş münaqişə statusundan çıxıb”

Elşən Aslanov: “S.Şaumyanın rəhbərliyi ilə Bakıda törədilən qırğınlar sonralar Şamaxı, Quba və Göyçay qəzalarının şəhər və kəndlərində davam etdirildi”
“31 mart Azərbaycan tarixinin soyqırım səhifələrindən biridir» mövzusunda Dəyirmi Masa keçirilib
Ermənilərin azərbaycanlılara qarşı həyata keçirdiyi soyqırımların dünyaya çatdırılması istiqamətində geniş miqyaslı layihəyə başlanıb

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) təşkilatçılığı ilə “Ermənistanın qondarma soyqırım təbliğatına petisiya mesajımız” mövzusunda dəyirmi masa keçirilib. 

APA-nın məlumatına görə, tədbirdə çıxış edən AVCİYA-nın prezidenti, millət vəkili Elxan Süleymanov aprelin 18-20-də keçirilən AŞPA-nın yaz sessiyası barədə danışıb. O deyib ki, bu sessiyada Ermənistanın AŞPA-ya Dağlıq Qarabağla bağlı müraciətləri fiaskoya uğrayıb: “Biz əvvəlcədən bilirdik ki, 2085 saylı qətnamə bütün ermənilərə ciddi ziyan vurub. Çünki Ermənistan bu qətnamə ilə işğalçı dövlət kimi tanınır. Bizim əldə etdiyimiz uğur ondan ibarətdir ki, AŞPA-nın yaz sessiyasında qurumun deputatlarının əksəriyyəti Azərbaycanın haqlı mövqeyini dəstəkləyib. Eyni zamanda, ATƏT-in Minsk Qrupu da danışıqları sürətləndirib və Qarabağ dondurulmuş münaqişə statusundan çıxıb. Mən hesab edirəm ki, bu, Azərbaycanın möhtəşəm və tarixi qələbəsidir”.

E. Süleymanov Ağ Evin saytında Ermənistanın işğalçılıq siyasəti ilə bağlı “Ədalətin bərqərar olunması və böyük fəlakətin qarşısının alınması naminə” adlı petisiya layihəsi barədə də məlumat verərək, artıq petisiyaya 208 min səs verildiyini söyləyib: “Bu işdə qəhrəman Türkiyə xalqına da minnətdarlığımı bildirirəm. Bizim aksiyamız davam edir və mayın 5-də tamamlanacaq. Ümid edirəm ki, biz Ermənistanın işğalçı siyasətinə qarşı mübarizəmizi davam etdirəcək və bunun qarşısını alacağıq”.