Mehriban Əfəndinin əsərləri Avropada ən böyük sürrealizm sərgisində təqdim olunacaq

Heydər Əliyev Fondunun Nizami Gəncəvi irsini təbliğ edən daha bir layihəsi – “Yeddi gözəl” sərgisi Moskvada açılıb
Şamaxının millət vəkili Elxan Süleymanov Şamaxının Məlcək və Ərçiman, Göyçayın Qaraman kəndində şagirdləri təbrik edib
VII Qlobal Bakı Forumunda 70 ölkədən 450 nümayəndə iştirak edəcək

Dekabrın 23-də Avropada ən böyük sürrealizm sərgisi açılacaq. Bu geniş ekspozisiyada Azərbaycanı Əməkdar Rəssam Mehriban Əfəndi təmsil edəcək.

AZƏRTAC xəbər verir ki, ekspozisiya 2010-cu ildə Avropada yaradılmış “Sürrealizm indi” qrupunun təşkilati dəstəyi ilə Portuqaliyanın Kondeyşa-a-Nova şəhərciyindəki Poros Multimedia Muzeyində təşkil edilir. Sərgidə dünyanın 48 ölkəsindən 100 rəssamın əsərləri nümayiş etdiriləcək.

Ekspozisiyanın kuratoru sürrealist rəssam Santyaqo Ribeyrodur. Azərbaycanlı rəssam “Miriada” və “İmpressiya” əsərlərini təqdim edəcək.

Qeyd edək ki, M.Əfəndi “Beynəlxalq sürrealizm indi” layihəsində 2010-cu ildən iştirak edir. Mehriban xanımın işləri Portuqaliya, ABŞ, Hollandiya, Bolqarıstan, Slovakiya və digər ölkələrdə nümayiş etdirilib.