Naxçıvanda keçirilən “Milli geyimlər festivalı” böyük marağa səbəb olub

İlham Əliyev Əsgəran qalasında olub
Əli Həsənov: Azərbaycana qarşı aparılan və əsassızlığı məhkəmə qərarı ilə sübuta yetirilən qarayaxma kampaniyasının təşkilatçıları və icraçıları ilə bağlı hüquqi prosedurlara başlamaq niyyətindəyik
XİN: YUNESKO Azərbaycanın çağırışlarına laqeyd yanaşıb, qətiyyət nümayiş etdirməyib

Sentyabrın 8-də Naxçıvan şəhərində yerləşən “Naxçıvanqala” Tarix-Memarlıq Muzey Kompleksində “Milli geyimlər festivalı” keçirilib. Festivalın izləyiciləri arasında muxtar respublika sakinləri ilə yanaşı, əcnəbi turistlər və “Naxçıvan: İslam Mədəniyyətinin Paytaxtı” mövzusunda keçirilən beynəlxalq konfransın iştirakçıları da olub.

AZƏRTAC-ın Naxçıvan bürosu xəbər verir ki, festivalda Naxçıvan Dövlət Filarmoniyasının Qədim Musiqi Alətləri Ansamblı, Naxçıvan Dövlət Filarmoniyasının, Naxçıvan Dövlət Uşaq Filarmoniyasının rəqs qrupları və digər kollektivlər xalq mahnılarını, milli rəqsləri ifa ediblər. Bundan başqa, Naxçıvanda fəaliyyət göstərən teatrların aktyorlarının ifasında müxtəlif kompozisiyalar təqdim olunub. Geyim və rəsm sərgilərində əl işləri, qədim dövrlərə aid muzey eksponatları nümayiş etdirilib.

Xanlıqlar dövrünün saray geyimlərindən ibarət dəfilənin nümayişi tədbirə əlavə rəng qatıb. Azərbaycanın bütün bölgələrinə aid milli geyimli gənclərin əllərində oxunması zəruri olan kitablarla festivalda iştirakı marağa səbəb olub.