Qarabağ müharibəsində itkin düşmüş şəxslərin xatirəsinə qoyulmuş abidənin açılışı olub

7 Sentyabr 2013-cü il tarixində Tərtər şəhərində keçirilmiş “SOS Sərsəng” beynəlxalq konfransda Tariel Hüseynovun (Fövqəladə Hallar Nazirliyinin İnfrastrukturun İnkişafı Baş İdarəsinin rəisi) çıxışı
AŞPA-nın Sosial Məsələlər Komitəsində Sərsəng su anbarının yerləşdiyi bölgədən Ermənistan silahlı qüvvələrinin dərhal geri çəkilməsini tələb edən qətnamə qəbul edildi
Kamran Əliyev: “Ermənistanın təcavüz aktları ilə bağlı 75 cinayət işi başlanıb”

Bu gün“ İnsan Hüquqları XXI-əsr Azərbaycan” Fondunun dəstəyi ilə 1992-1993-cü illərdə Qarabağ müharibəsində itkin düşmüş şəxslərin xatirəsinin əbədiləşdirilməsi məqsədilə Sabunçu rayonundakı “Şəhidlər xiyabanı” adlanan ərazidə qoyulmuş abidənin açılış mərasimi keçirilib.

APA-nın məlumatına görə, açılış mərasimində Milli Məclisin üzvləri Elxan SüleymanovFazil Mustafa, Beynəlxalq Qızıl Xaç Komitəsinin əməkdaşları, itkin düşmüş şəxslərin ailə üzvlərinin, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının nümayəndələri, Sabunçu Rayon İcra başçısının rəsmiləri, QHT və KİV təmsilçiləri iştirak ediblər.

Çıxış edənlər Qarabağ müharibəsindən danışıb, müharibədə şəhid və itkin düşmüş şəxslər haqqında statistik rəqəmlər səsləndiriblər. Müharibənin hələ də bitməməsindən, ərazi bütövlüyünün bu günə kimi bərpa olunmamasından danışıblar.

Qeyd edək ki, “İnsan Hüquqları XXI əsr-Azərbaycan Fondu Azərbaycanda Vətəndaş Cəmiyyətinin İnkişafına Yardım Asossiyasiyasının (AVCİYA) üzvüdür və abidənin qoyulması  Asossiyasiyasının prezidenti E. Süleymanovun  dəstəyi nəticəsində həyata keçirilib.