Şamaxıda üçüncü Sabir bulağı açılıb

Sabir şeirlərinin qiraət müsabiqəsi bitdi
AVCİYA Seçki Qərargahı prezident seçkiləri ilə bağlı həyata keçirdiyi KİV-in monitorinqini və hesabatını açıqlayıb
Ağ Evin saytında açılmış petisiya ilə bağlı Dillər Universitetində görüş keçirilib

Şamaxıdan seçilən deputat Elxan Süleymanovun təşəbbüsü və maliyyə dəstəyi ilə Şamaxının Çarhan kəndində üçüncü Sabir bulağının açılışı olub. SalamNews-un məlumatına görə, Şamaxı Rayon İcra Hakimiyyətinin başçısının müavini Qasım Qasımov deputat E.Süleymanovun seçicilərin problemlərinə qayğı ilə yanaşdığını deyib. Milli Məclisin üzvü seçicilərini salamladıqdan sonra 3 kənddə reallaşan işlərin davamlı xarakter alacağını bildirib.

Tədbirdə iştirak edən xarici qonaqlar, rayon ziyalıları, kənd ağsaqqalları onlara göstərilən diqqət və qayğıya görə təşəkkürlərini bildiriblər.

Bulağın açılışından sonra tədbir rayon mərkəzindən gələn aşıq-musiqi qrupunun şux mahnıları və E.Süleymanovun təsis etdiyi M.Ə.Sabir və S.Ə.Şirvani təqaüdçüləri adına layiq görülən məktəblilərin şeir nömrələri ilə davam edib.