Tbilisidə VI Cənubi Qafqaz Təhlükəsizlik Forumu keçirilir

Cəbhəboyu zonada tikilməkdə olan bir sıra hərbi obyektlərə baxış keçirilib
Bakı və Abşeron yarımadasını elektrik enerjisi ilə təchiz edən ən böyük yarımstansiya yenidən qurulur
Azərbaycan Prezidenti İlham Əliyevlə BMT-nin Baş katibi Antonio Quterreş arasında videokonfrans formatında görüş olub

Gürcüstanın paytaxtı Tbilisidə VI Cənubi Qafqaz Təhlükəsizlik Forumu keçirilir.

“Report”un Gürcüstan bürosu xəbər verir ki, tədbiri Stratpol Beynəlxalq Araşdırma Mərkəzi, Rondeli Fondu və Friedrich-Ebert-Stiftung təşkilatı təşkil edib.

Forum Qara dəniz bölgəsində təhlükəsizlik mövzusuna həsr olunan sessiya ilə başlayıb. Sessiyada NATO-nun Qara dəniz bölgəsindəki təhlükəsizlik təşəbbüsü, Alyansın Gürcüstan və Ukrayna ilə bağlı siyasəti, Gürcüstanın NATO-ya inteqrasiyası məsələləri müzakirə olunur.

Tədbir Gürcüstanın həll olunmamış münaqişələri adlı sessiya ilə davam etdiriləcək. Növbəti sessiya Dağlıq Qarabağ münaqişəsinə həsr olunacaq. Sessiyada Ermənistanda hakimiyyət dəyişikliyinin sülh prosesinə təsiri, münaqişə tərəfləri arasında etimadın yaradılması, xarici aktorların prosesdəki rolu və digər aspektlər nəzərdən keçiriləcək.

Regional forumda Gürcüstanın dövlət rəsmiləri, Avropa, ABŞ, Azərbaycan, İran, Türkiyə, Ermənistan və digər ölkələrdən olan ekspertlər və araşdırmaçılar iştirak edirlər. Tədbirə diplomatik korpusun nümayəndələri də qatılıblar.