Beynəlxalq Sülh Günü münasibətilə “Bəşəriyyətə sülh lazımdır” mövzusunda videokonfrans keçirilib

İslam Əməkdaşlıq Təşkilatı Xocalı soyqırımı ilə bağlı bəyanat yayıb
AVCİYA-nın 2022 – Şuşa ilinə dəyərli töhfəsi: Assosiasiya Şuşa layihələri çərçivəsində dördcildlik monoqrafik toplu hazırlayaraq dərc etmişdir
Azərbaycan Respublikasının Prezidenti İlham Əliyevin BMT Baş Assambleyasının 76-cı sessiyasındakı çıxışının izi ilə …

Azərbaycan dünyanın ən tolerant ölkələrindəndir. Xalqımızın ən böyük arzu və istəyi sülh və əmin-amanlıq şəraitində yaşamaqdır.

AZƏRTAC-ın bölgə müxbiri xəbər veryr ki, bu fikir 21 sentyabr – Beynəlxalq Sülh Günü münasibətilə elan edilən “Sülh aylığı” çərçivəsində sentyabrın 3-də Zaqatala rayon Mərkəzləşdirilmiş Kitabxana Sisteminin (MKS) təşkilatçılığı ilə keçirilən “Bəşəriyyətə sülh lazımdır” mövzusunda videokonfransda səsləndirilib.

MKS-nin kitabxana filiallarının və dövlət qurumlarının əməkdaşlarının iştirak etdiyi tədbirdə “Sülh aylığı” haqqında ətraflı məlumat verilib. Bildirilib ki, hər il Beynəlxalq Sülh Günü ərəfəsində – avqustun 21-dən sentyabrın 21-dək respublikamızda “Sülh aylığı” elan edilir. 1982-ci ildən bəri bütün dünyada “Sülh günü” kimi qeyd olunan təqvimin yaranma səbəbi sülhün qorunması, insanların əmin-amanlıqda yaşaması, amansız müharibələrin, hər cür zorakılığın dayandırılması, bəşəriyyətin daim sülh içərisində yaşamaq arzusudur.

Videokonfransda dünyada tolerantlıq mərkəzi kimi tanınan Azərbaycanda müxtəlif azsaylı xalqların daim sülh və əmin-amanlıq şəraitində yaşamasından ətraflı bəhs edilib. Vurğulanıb ki, Azərbaycan Respublikası hər zaman sülhsevər siyasət yürüdür, beynəlxalq münasibətlərdə sülhə böyük töhfələr verir.

Tədbirin sonunda iştirakçıları maraqlandıran suallar cavablandırılıb.

AZƏRTAC