CaspiLog 2 – Beynəlxalq Konfrans

Aralıq Hesabat – Referendum 18 Mart 2009
Bakıda Azərbaycan Respublikasının dövlət müstəqilliyinin bərpa edilməsinin iyirminci ildönümünə həsr olunmuş Beynəlxalq bayram tədbiri başa çatmışdır
“Ermənilərin bəşəriyyətə qarşı törətdikləri cinayətlər: Şamaxı soyqırımı – 1918”

CaspiLog 2 (Caspian Dialog 2) May ayının 7-9-da Aqua Parkda, Novxanıda keçirilmişdir. CaspiLog 2 Tətbiqi Sistemlərin Analizi üzrə Beynəlxalq İnstitutun (İİASA) Beynəlxalq Danışıqlar Prosesi (PİN) Proqramı, Xəzər Gələcək Naminə Tərəfdaşlıq İctimai Birliyi (CPF) və Azərbaycanda Vətəndaş Cəmiyyətinin İnkişafına Yardım Assosiasiyası (ACSDA) tərəfindən birgə təşkil edilmişdir. Avropadan, Birləşmiş Ştatlardan və Kanadadan, keçmiş Sovet ölkələrindən gələn diplomatlar, siyasətçilər və alimlər konfransa qatılmışlar. Konfransın gedişində Xəzər dənizi ilə bağlı olan mühüm məsələlər, məsələn Xəzər dənizinin statusu, təhlükəsizlik və ekologiya məsələləri müzakirə edilmişdir. Müzakirələr sırasında Avropa ölkələri, ABŞ və Kanadanın Xəzəryanı ölkələrlə əməkdaşlıq (siyasi və iqtisadi) problemləri də araşdırılmışdır. Ümumilikdə 20-yə yaxın xarici iştirakçı konfransa qatılmışdır. Azərbaycanı 20 nümayəndə təmsil edirdi – əsasən professorlar, QHT nümayəndələri və tələbələr. Üç gün ərzində yuxarıda göstərilən məsələlər dialoq formasında müzakirə olunmuşdur.