İstanbulda Türk Dünyası Sığorta Birliyi yaradılıb

Azərbaycanın Ədliyyə naziri “Ekstradisiya haqqında” Avropa Konvensiyasına əlavə edilmiş yeni protokolu imzalayıb
Sumqayıt Kimya Sənaye Parkında “SOCAR Polymer” layihəsi çərçivəsində inşa edilən polipropilen zavodunun açılışı olub Azərbaycan Prezidenti İlham Əliyev və İtaliya Prezidenti Sercio Mattarella açılışda iştirak ediblər
QHT dövlət qurumları ilə keçmiş məhkumların reabilitasiyası sahəsində əməkdaşlığı möhkəmləndirir
İstanbulda Türkiyə Beynəlxalq Sığorta Sammitinin Zirvə toplantısı keçirilib. Toplantı çərçivəsində təntənəli imzalanma mərasimi ilə türkdilli dövlətlərin sığortaçılar birliklərindən ibarət Türk Dünyası Sığorta Birliyi yaradılıb.
AZƏRTAC xəbər verir ki, Türk Dünyası Sığorta Birliyinə Azərbaycan, Türkiyə, Qazaxıstan, Özbəkistan, Qırğızıstan və Türkmənistanın sığortaçılar assosiasiyaları üzv qəbul olunub.
Tədbirdə çıxış edən Türkiyə Sığortaçılar Birliyinin rəhbəri Atilla Benli birgə sığorta qurumunun yaradılmasının ölkələrimiz arasında bu sahə üzrə həmrəylik baxımından mühüm əhəmiyyət kəsb etdiyini deyib.
A.Benli bunun Türk Dövlətləri Təşkilatı çərçivəsində inkişaf etdirilən müxtəlif səpkili əməkdaşlıq perspektivləri ilə yanaşı, sığorta xidmətləri və sığorta siyasətinin əlverişli təşkili baxımından da vacibliyini vurğulayıb.
Öz növbəsində səmimi qarşılanmaya görə Türkiyə Sığortaçılar Birliyinə təşəkkürünü ifadə edən Azərbaycan Sığortaçılar Assosiasiyasının icraçı direktoru Elmar Mirsalayev türkdilli dövlətlərin bu birlikdən müsbət nəticə və uğur əldə edəcəklərinə əminliyini vurğulayıb.
Qeyd edək ki, Türk Dünyası Sığorta Birliyinin yaradılması fikri Azərbaycan Sığortaçılar Assosiasiyası ilə Türkiyə Sığortaçılar Birliyi arasında əldə olunan ortaq razılıq və birgə təşəbbüs nəticəsində həyata keçirilib.

AZƏRTAC