Məzahir Pənahov: Seçkiləri işıqlandırmaq üçün KİV-lərə hər cür şərait yaradılır

Bakıda Azərbaycan, Türkiyə və Qazaxıstanın xarici işlər nazirlər və nəqliyyat nazirlərinin birinci üçtərəfli toplantısı keçirilir
Prezident İlham Əliyevin Dünya Azərbaycanlılarının Həmrəylik Günü və Yeni il münasibətilə Azərbaycan xalqına təbriki
Avropa Şurasının Nazirlər Komitəsi dekabrda “Çıraqovlar Ermənistana qarşı” işi üzrə növbəti müzakirələr keçirəcək

Azərbaycanda kütləvi informasiya vasitələri seçkilər vaxtı həmişə Mərkəzi Seçki Komissiyasının (MSK) yanında olur. KİV-lər MSK-da qeydiyyatdan keçmir, onlara seçkiləri işıqlandırmaq üçün hər cür şərait yaradılır. Xarici KİV-lər də bu statusa malikdir.

AZƏRTAC xəbər verir ki, bu fikirləri Mərkəzi Seçki Komissiyasının sədri Məzahir Pənahov aprelin 9-da bir sıra aparıcı xarici kütləvi informasiya vasitələrinin nümayəndələri üçün keçirdiyi brifinqdə deyib.

Məzahir Pənahov bildirib ki, aprelin 11-də keçiriləcək prezident seçkilərində 5 milyondan çox Azərbaycan vətəndaşı səs vermək hüququna malikdir. Onlardan 102 mindən çoxu ilk dəfə səs verəcək. ATƏT-in nümayəndələri də bu seçkilərdə müşahidəçi qismində çıxış edəcəklər. Min seçki məntəqəsində veb-kameralar quraşdırılıb. Bu isə seçki məntəqələrinin 18 faizini əhatə edir. Bu təcrübə 2008-ci ildən tətbiq olunur. İlk dəfə Azərbaycanda tətbiq olunan bu praktikanın əsas üstünlüyü veb-kameraların onlayn rejimdə fəaliyyət göstərməsidir. Dünyanın istənilən yerindən heç bir məhdudiyyət olmadan MSK-nın saytına daxil olub seçki prosesini izləmək mümkündür. Bu təcrübə Azərbaycandan sonra digər ölkələrdə də tətbiq edilməyə başlanıb.