“Made in Azerbaijan” brendli məhsullar Tbilisidə ənənəvi xeyriyyə yarmarkasında təmsil olunacaq

Report

Sergey Lavrov Azərbaycan, Ermənistan və Rusiya XİN rəhbərlərinin görüşünün yekunlarını şərh edib
İlham Əliyev. Azərbaycanı inamla irəli aparan Prezident
Prezident “Diqlas”la bağlı məsələni nəzarətə götürüb, sahibkarlara kompensasiya veriləcək

Dekabrın 18-19-da Gürcüstanın paytaxtı Tbilisi şəhərində ənənəvi qış xeyriyyə yarmarkası keçiriləcək.
“Report”un yerli bürosu xəbər verir ki, tədbiri Gürcüstanın Beynəlxalq Qadınlar Assosiasiyası (IWA) təşkil edəcək.
Sərgi-satış yarmarkasına Gürcüstanda akkreditə olunmuş 30-a yaxın səfirlik və beynəlxalq təşkilatların nümayəndəlikləri qatılacaqlar.

Azərbaycanın Gürcüstandakı səfirliyi də tədbirdə milli suvenirlər, “Made in Azerbaijan” brendli məhsulların yer alacağı milli guşə ilə təmsil olunacaq.
Yarmarka ziyarətçiləri milli mətbəxlər pavilyonunda Azərbaycanın milli təamlarını dadmaq imkanı da əldə edəcəklər.

Tədbirdən əldə olunacaq vəsait həssas qrupa daxil olan insanlar üçün həyata keçiriləcək layihələrə yönəldiləcək.

Report