Daşkəsən Meşə Mühafizəsi və Bərpası Müəssisəsinin Dəstəfur meşəbəyliyində baş vermiş yanğın söndürülüb

Bu il məcburi köçkünlər üçün tikiləcək evlərin sayı məlum oldu
Prezident İlham Əliyevin Dünya Azərbaycanlılarının Həmrəylik Günü və Yeni il münasibətilə Azərbaycan xalqına təbriki
AVCIYA Şirvanda bələdiyyə seçkiləri ilə bağlı seminar keçirib

Oktyabrın 30-da axşam saat 18:30-da Daşkəsən Meşə Mühafizəsi və Bərpası Müəssisəsinin Dəstəfur meşəbəyliyinin 1 saylı dolayının ərazisində yanğın hadisəsi baş verib. Yanğının söndürülməsi üçün əraziyə dərhal Ekologiya və Təbii Sərvətlər və Fövqəladə Hallar nazirliklərinin əməkdaşları cəlb olunub.

ETSN-in mətbuat xidmətindən AZƏRTAC-a bildirilib ki, yanğın səhər saat 8 radələrində tam söndürülüb.

Yanğının baş verdiyi ərazi yüksək dağlıq sahəni əhatə etdiyindən, eyni zamanda, güclü küləklə müşayiət olunduğundan onun söndürülməsi bir qədər çətinliklər yaradıb. Bütün bunlara baxmayaraq, nazirliklərin nümayəndələrinin və yerli əhalinin ciddi səyləri nəticəsində yanğının söndürülməsinə nail olunub.

Qeyd edək ki, yanğın zamanı ərazidə quru ot örtüyü və xəzəl yanıb, ağaclara ziyan dəyməyib.

Yanğının hansı səbəbdən baş verməsi və dəymiş ziyanın həcminin müəyyən olunması məqsədilə araşdırma aparılır.